انا بحر تبطين ماتفهمينه = مزيح من اشواق وافراح واهات
بحر(ن) عميق مامشت به سفينه = بحر(ن) بلاضفة وكله متاهات
يابنت انا اعيش قصة حزينة = ماودي احكي بالكلام الذي فات
فاتت هموم(ن) بالحشا مستكينه = خوفي من همومي تصيبك بعبرات
مشكي العذاب اللي تقافت سنينه = ولاظروفي بين روحة وجيات
والله لو اشكي عليك الغبينه = ماعاد يبقى في حياتك مسرات
خلي همومي في فؤادي دفينه = وخذي معي جوله بطرفة وضحكات
ماودي اكسر خاطرك يارزينة = ولا تقولين الغلا داخله مات
غلاك عندي ينشرى بالثمينه = رفيع قدره عن شتيمة وسبّات
ساكن بوسط القلب والله ماهينه = له الوفا والود في كل الاوقات
وحبيبك محمد عسى الله يعينه = يشكي الالم والجرح والهم بسكات
وانتي له اقرب من رموشه لعينه = ياعل تفداك القصايد والابيات
ويبقى محمد مثل ماتعرفينه = كله وفا واشواق وافراح واهات