منتديات منابع الأدبية - ((( إنتي وضميرك ))) جديدي لكم

ما جيت أحبك جيت أنا هايـم ٍ فيـك
أبيـه شعـري قبـل اقولـه يثيـرك
من بالغـلا يـا غاليـه مـا يناديـك
لاهو حبيـب ٍ لـك ولاهـو أسيـرك
سقت القوافي سوق سـود المماليـك
ونوخت بركابـي علـى جـال بيـرك
ضاقت بي الدنيا وجيت احتمـي فيـك
يزبنك مـن سالـف زمانـه يجيـرك
كانت يدينـي فـي يدينـك مشابيـك
واليوم ضايع مع مصيـري مصيـرك
يالله عسى وقتي يصـادف حراويـك
والاٌ عسى رجلـي تصـادف مسيـرك
جيتك على وضح النقا جيت شاريـك
جيت ارتوي من فيض صافي غديـرك
مع كاملات الزيـن ترجـح مساويـك
من يشبهك بالناس من هـو نظيـرك
مالك خشير ٍ فـي خفوقـي يماريـك
مابه بقلبـي غيـر حزنـي خشيـرك
لا والـذي سـواك مانـي بناسـيـك
هذا قصيدي فيك (( وانتي وضميرك ))

وسلامتكم جميعاً

شاعر الهيل عـــزالله انك تروي ذائقتــــي قصايــــدك

لله دررررررررررررررك يارجـــــل