|
.
. برجع ومعي بعض المواق اللي تضحك ان شاء الله |
::::::::::::::
مرحبا عبد الله العويمر وبصراحه موقف لاتحسد عليه بس تصير في احسن العائلات أهم شئ تكون عندك روح رياضيه المهم أنا موقفي الله يسلمكم مره وقفنا نبي نشتري من محل للأكلات السريعه إحنا وبنات خالاتي المهم نزلت انا واختي نبي نشتري قالت لي ماسألتيهم وش يبون قلت اوكي برجع اسألهم فتحت الباب حق السيارهـ وأهاوش فيهم قلت لهم شايفنا نازلين وماتقولون وش تبون فاضين نروح ونجي المهم البنات يطالعون فيني ساكتين الا وبعدين اطالع فيهم زين ول هذول مو بنات خالاتي يمممممممه طلعت غلطانه بالسياره و أهاوش خلق الله أكيد قالو مجنونه ههههههههههههههههههههه يسلمو علي الموضوع أخي عبدالله وعسي الضحكه دوم يارب.., |
هههههههههههههه موقف لا تحسد عليه الحقيقه كويس انه ما عدي عليك شرطي وانت تفتح السياره وصاحب السياره طلع جداااااااا انسان خلق وذوق لك تحياتي العويمر همسات |
اقتباس:
مش تبئى تيقي:d بانتظارك |
اقتباس:
ههههههههههههههههههههههههههه ووربي موقف بجد محرج خلود الياسمين حضورك ِ عطّر الأرجاء دمت ِ باسمهـ ، وفرحــهـ |
عبدالله
انا لومنك كنت كملتها وسرقت السياره ! ههههههههههههه ابي وش كان موقفك لو جالك صاحب السياره وهيكله وجسمه مثل جسم ( اندر تيكر ) ومايعرف يتفاهم! انشهد انه ماكنا راح نشوفك بمنابع هههههههههههههههههه بقولك موقفي انا واسمع ! كنا مسافرين لاحدى الدول الاوروبيه وشعبها معروف (( فلفل عصبي حده )) والمشكله الحلوه انه كنا مسافرين على خطوط طيران تابعه للدوله الاوربيه نفسها يعني كانت كل الطياره مزدحمه بالاوروبين وايامها اخوانك مامن خير اللغه على قدنا المهم نزلنا من الطياره ورحنا نبي نأخذ الشنط واخوك خالد مايعرف شنطته عدل توني شاريها المهم كل اصدقائي طلعت شنطهم الا انا ! (حظ ذكر ) المهم شفت شنطه قلت هاذي شنطتي حاولت افتحها ماقدرت ! قالولي الربع ياخالد يمكنها موشنطتك قلت لا هاذي شنطتي وكسرتها ! ولما كسرتها طلعت موشنطتي ياحلاوه!! بصراحه مدري وقتها شحسيت فيه قلت الظاهر من المطار لغايه المستشفى وبتصير ساحه المطار (( حلبه مصارعه )) وانا رايح استانس بصراحه بدال عوار الراس حطيت مبلغ بسيط بالشنطه وسكرتها غصب! ومنها لاقرب تاكسي |
أنا حصل لي موقف بصراحة لا أحسد عليه مثلكم خابر أمور الشعر وفزعاته خويك يبي قصيدة بزواجه
خوي خويك أخوه بيتزوج لازم تفزع له ومن هالقبيل المهم بتجيكم السالفة جاني واحد من الربع يمون قال لي ترى خويي بيتزوج وأبي أفزع له وأنت طبعا ً ماراح تقصر وياي دقيت على صدري لين كحيت وقلت أبشر وبعدها بيومين يسألني عن القصيدة قلت له والله ما كتبتها لكن بقولك شي أعطيه من القصايد الجاهزة عندي وأكيد ما بيكون سمعها من قبل قال خويي تكفى يا خوك لو تعرف سالفة الرجال والله غير تهدي ياها أنت بنفسك . طبعا ً من لقافتي قلت له وش سالفته رجال وبيتزوج قال لالالالالالالالالا خوينا زوجته تركت ولد عمها وعيت منه عشان خاطره . إلا وتطلع براسي فكرة خطيرة قلت أجل خل أمدح البنت وأهلها وخوينا وأهله بس صارت غلطه مني غير مقصودة مضمونها أن بنت الرجال فضلته عن ولد عمها . المهم الرجال ماسمع القصيدة كامله وخذاها ووقت الزفة يقول خوييي والعهدة على الراوي يوم جا مقطع بنت الرجال وموقفها أنقلبت الصالة فوق تحت وأهل العريس الأول يقولون عشان كذا رفضتونا وأثاري الولد بينه وبين البنت قصة غرام قديمة وأنا ياغافل لك الله المهم أنحل الموضوع سألت خويي بعد الفرح ها أن شاء الله خويك مبسوط بالقصيدة قال مرررررررة بصراحة سب فيك سب على مستوى تفاجأت قال تدري ليه لأنك فضحت سره هو ومرته أتمنى محد من الشعراء يتعرض لهالموقف الله يا كثر بربرتي سلامة قلوبكم |
موقف محرج
أخي عبدالله.... كثيرة هي المواقف المحرجة التي تواجهنا.... وسأروي قصة لي مع صديقي حدثت في مدينة أنقرة في تركيا ركبنا الباص متجهين الى منطقة تدعى أولوص ، والباص مكتظ بالركاب ، ونحن واقفين وبجانبنا جلست امرأة سمينة على الكرسي ، قال صديقي : كم تتوقع وزن هذه المرأة ؟ قلت : طن فما فوق ، وبدأنا نحسب عدد الأرغفة التي تأكلها في اليوم ، وفي الشهر ، وفي السنة ، ثم تطرقنا الى عمل زوجها ، واذا ما كان راتبه يكفي لاطعامها أم لا ، وحسبنا لها مقاس التنورة ، ومساحة القماش اللازمة لكل ملابسها _ والعفو _ حتى الداخلية منها.... تحدثنا طوال الطريق التي استغرقت أكثر من نصف ساعة عن تلك المرأة بصوت عال على اعتبار أنها تركية لا تفهم ما نقول ، وطبعا كما توقعتم تماما ، المرأة حين وقفت وهمت بالنزول نظرت الينا وابتسمت، وقالت بالعربية _ حيث أنها كانت عربية وليست تركية _ الله يعطيكم العافية يا شباب كفيتم ووفيتم ، كسبنا منكم بعض الحسنات... الله يسامحكم على كل حال.... أنا توقفت عن أكل الخبز منذ زمن... ونزلت وألستنا ما زالت معقودة من المفاجأة أحمد |
| الساعة الآن 01:21 AM |
Powered by vBulletin® Copyright ©2000 - 2026
