ذكراك للأبد

أسعدني تواجدك العطر عزيزتي

لاعدمتك يالغلا

لولا وجود عكس المعنى لما كان للمعنى معنى . . .

فلولا وجود الظلام لما شعرت بنعمة النور ...

فلولا وجود العسر لما احسست باليسر ..

ولولا وجود التعب لما استمتعت بالراحه ..

ولولا وجود الحزن لما كان للفرح معنى♥

ولولا وجود المرض لما اشعرت بنعمة الصحه . . .

فقل دائما الحمد لله على كل شئ .

.

.

.


.


للمبدع عبدالله العويمر

تروق لي هذه القصيدة


.


.


الليل صحرا ، والسهر اقدام ، والغربه سؤال

والصبح خطوه ، والدروب ايام ، والموطن : عليل





والوقت ذكرى مؤلمه لاكفنت لحظة وصال

والعمر ماضي لااصبح النسيان في عينك قتيل !




البارحه مرّت علي لحظات ياشوق الليال

ماكنّها الاّ بيد ، والساعه ثوانيها صهيل




أحسها بين الألم واللو ، واجراس المحال

واشيلها لااقصى مكان ، ولااشوف انّي اشيل !




رفيف دمعي كذّبه عمري ، ولكن لايزال

وهزيم صدري ضجّ بي ، والدمع عيّا لايسيل




مااقسى من الخذلان لاشفته من احبابك وحال

بينك وبين الصد وجــد ٍ لاحدا في كل ليل




وان جيت اكابر واعلن المسفار نادتني :تعال

لحظة حنين ، وتنرسم صوره لها معنى جميل




الصدق فيني مايزال..وصدقهم من وقت زال !!

تغيّروا ، وانا احسب الخلّان ماتخذل خليل




مديت كفي من غلا،، وانا احسبه لي راس مال

واثر النوايا ماتبين الّا بعد وقت ٍ طويل



ماعادوا اللي يدّعون ان الوفا سهل المنال

ولاعادوا اللي عاهدوا،،ولاصار للعشره حصيل



ماصرت احس الليل شوق ، ، ولابقى للحب فال

الليل صحرا..والقدم حارت وضيّعت الدليل




كل اتجاهاتي عطش..كيف ارتوي؟هذا السؤال

والصبح خطوه ..والدروب ايام..والموطن: عليل



.

لافض فوك عبدالله العويمر

.