ياعاسف الطاروق يامتعب الجيـب=يالدبلماسـي ياخبيـر السياسـه
آمروتلقاني على الظـنّ ماأخيـب=متقلدٍ سيفـي ودرعـي وطاسـه
حنّا على خبرك على العز والطيب=من يوم كنّا في فصـول الدراسـه
ويوم الليالـي كلبوهـا تجاريـب=كلنّ شرب منها على قـد كاسـه
لاتشكي الدنيا ولاتشكـي الشيـب=عاين فبوك وشيب دقنـه وراسـه
حاولت أقربهـا لمعنـاك تقريـب=وراحت تلاعبي كراسي الرياسـه
أرمي مغمض لاكن أفوز وأصيـب=يامهشم ظلـوع المجنـنّ بفاسـه
وآخذ وأروح بعيد وأسج وأغيـب=وأحضر وأقول الله عليها وناسـه
هذا وهـو تدريـب لازال تدريـب=وبعده دراسه وأختبـار ودراسـه
ياعاسف الطاروق يالقرم يالذيـب=أنت أصل مضمون القصيد وأساسه
وحنّا نرد الطيب للنـاس بالطيـب=وكلنّ على قـدّه نفصّـل مقاسـه
وأختامها ترحيب مليون ترحيـب=يالدبلماسـي ياخبيـر السياسـه