منتديات منابع الأدبية - أصص / لا لا تقول شي / بس / لقلبك أهذي .. !! .....

http://www.uaeweb.com/forums/uploads...b5bc573c73.gif

أدري ..
والله اني أدري
انك ..
تعشق دموعي
وتشتهي ظماي فيك و جوعي

أنت تدري .. ؟!!
لا
لا والله ما تدري بي
ولا مشيت بين ربعك ساهي
ولا كلموك أهلك
تناظرهم وقلبك مع الأشواق / لاهي ..!!
والله لي ما تدري بي .

http://www.uaeweb.com/forums/uploads...b5d94d2ff8.jpg

ولا عمرك ناديت غيري
وطاح اسمي من شفايفك
ولميتني وله / ولا ودك حد شايفك
ولا سرى ليلك وانت
تنتظر نومك / وتهذي بي .. !!
لا/ ما تدري بي

http://www.uaeweb.com/forums/uploads...b5d94d2ff8.jpg

ما وقفت يوم في قيض وسموم
تبرد و تعرق
تشهق / وتذري بي
تجمعني غيوم
وتسهرني نجوم
ولا بغيت تنام ..؟
تتلحفني ولع /
وتلتوي بي ..!!

تحلمني لغيومك وسم
وتمطرني لهمومك حلم
وتداعبني و تقهرني
طفلة
تختبي منك تحت معطفك
وتغفى بين ضلوعك
لهفة ..!!
وبدلالها تتغنج و ترشفك .

http://www.uaeweb.com/forums/uploads...b5d94d2ff8.jpg

عن عيون الكون
و لا أهل الحسد يدرون
تلمني
يا أبشع حنون

و تضمني
على صدرك من ويل هجرك
التجي منك فيك
كلك تسرقني مني
وتسري بي ..!

و آه كل هذا ويا قو قلبك ..؟
ولا تدري بي ..!!

http://www.uaeweb.com/forums/uploads...b5d94d2ff8.jpg

تدري ليش / ..؟!!

لأني أنا اللي أدري بك .
أحسك
أتنفسك و أهمسك
عن الدنيا عن نفسي
أرحل و أهجر عمري
و أبتدي بك / ..!

لي تنفست ..؟
يختلج صدري .!
لي ضحكت .. ؟
يكتمل بدري . !
لي التفت .. ؟
كني مدري أنا بالوجود أو .......!!
أمممممممممممم
ما ادري ..!!

أدري بك ..
نعم / وحدي بس والله أدري بك ..
و خابرتنك ..
في ابتسامتك و نحيبك .

http://www.uaeweb.com/forums/uploads...b5d94d2ff8.jpg

لي عرقت .. ؟
ينهمر كفي عطر
ويمطر جبيني جمر ..!
لي مشيت .. ؟
صحت و بكيت / تدري ليش .. ؟!!

لأني ودي انك على صدري وطيت
وكسرتها ضلوعي
وآلمتني / و أوجعتني
و حرمتني أوجاعي منك / غفوتي وهجوعي .!!

http://www.uaeweb.com/forums/uploads...b5d94d2ff8.jpg

وأدري بك ..
انك تغفو بيوفي
وتسوى ناظري و دنيتي و شوفي

واني أشتهي منك عذابي
وكثر ما عذبتني .. ؟
أبشرك / ..
ما هو بكافي
حتى لوهلكتها ظلم و قسوة منك
شغافي .

http://www.uaeweb.com/forums/uploads...b5d94d2ff8.jpg

أدري بك
وودي كلي من جراحاتي ألتجي بك ..
تلبسني ثوب
وأشن على جلدك من شوقي
حروب / ..!!

أعانق نبضك الخافي
و أروي من قربك جفافي
وأقربك
وأبعدك
أوااااااااااه
يا أنت ما أعندك ..!

http://www.uaeweb.com/forums/uploads...b5d94d2ff8.jpg

تاخذني عن نفسي
وتسافر بي
تهجّرني في عيونك
وعن عيوني تحجبني وتبطي بي / ..!

ما قلت لك انك ما تدري بي ..
ولا عمرك عن قلبي وحبي
دريت .. !!
انا بس اللي انتهيت
من يوم في موت حبك / ابتديت .

ولا تدري بي
ولا عمرك دريت / ..!!