ياحب شفت الموت باسبابك امرار = اسقيتني من كاس جودك مصايب
عذبتني شبيت في قلبي النار = خليت قلبي في هوى الزين ذايب
ماكنت اضنك حيل قاسي وجبار = واثرك خطير وفيك كل العجايب
هذي جروحك داخل القلب تذكار = ياللي بجورك تودع الراس شايب

اعماك كثر الغرور اللي بلغ حدك = واصبحت ماتعتبرنا شي ياشاطر
ياكثر ماجيت ابيك وطالبن ودك = واقول روحي فداك ولاجلك اخاطر
واليوم خانك زمانك وانقلب ضدك = مكسور قلبك وحالك يكسر الخاطر

ياقلبي اللي كل ماقلت ابرتاح = ردت عليه ضيقتي واستجدت
اسمع كلامي لاتفكر بما راح = وانس السنين اللي بالاحزان عدت

لامن سمعتك ياعزيزه تغنين = (مستنياك) يروح قلبي شظايا
هذي حقيقه حال كل المحبين = اللي بنار الحب صاروا ضحايا
مستنياك بشوق صرتي تقولين = والانتظار ان طال سوى سوايا
غني واغني معك مره وثنتين = مستنياك بشوق كل البرايا

والله اني كنت اعدك مثل روحي=
وقربك يداوي جروحي=
وكل هالاحساس في قلبي لاني=
كنت اشوفك شي مني=
واحسب اني=
لو الف الكون مالقى=
غير قلبك يحتضني=
كنت ابيك تقولي انك ودك بشوفي ثواني=
وان شوقك لي خذاني=
وان قلبك لي لوحدي=
ماسكن به شخص ثاني=
وفاخر المشوار فيك يخيب ظني=

في ذمتي خاطري بالحيل متضايق = يارب من عندك الليله تعدلها
القلب مهموم والخاطر مهو رايق = وابادل الناس بالضحكه واجاملها

بيني وبينك مابقا داخلي شي = مشتاق لك حتى ولو هي دقيقه
شفني هنا عايش ولا كني بحي = خليتني مابين حسره وضيقه

تعالي يالهموم اللي على قلبي تجي وتروح = خلاص اصبحتي اعز اصدقاي وصرت معتادك
متى ماقبل ظلام الليل باب القلب لك مفتوح = هنا في داخله دايم سكنك وشربك وزادك