لو ان قلبك حسّ بـي وافتكرنـي = ما طاوعك تغلي علي حبّة العيـد
وش غيرك ياللي جمالك سحرني ؟ = حتى سلام العيد سـار ابمواعيـد !
ما هقوتي تخطي علي وتهجرنـي = ولاّّّ تصدّق بـي كـلام المقاريـد
لو شفت دمع العين كان تعذرنـي = كنّي فطيم(ن) حارمينه من الدّيـد
شف حالتي يشفق علي من نظرني = عقب اللقاء سرنا من بعيد لبعيـد
إمنول(ن) لا بطيت انا قلت زرنـي = واليوم تتركني بهـم(ن) وتنكيـد
إرحم رحمك اللي بحبّـك امرنـي = لا ينهدم حبّك على غيـر ماريـد

أخـوكم / محمد مبـارك الضرير