ياعيد ثوب الزفاف اليا تحول كفن =يعني بكل البراءه حظ ذاك اللحد
ياعيد دام ال(انا) مخلص نفاه الوطن =يعني بكل البساطه قبر ذاك الولد
ياعيد دام الصراحه صدق اكيد الثمن =نجاح بس الحقيقه لم يحالف احد
ياعيد والخوف جاير في الخفوق استكن =الجوع يقفاه والنمه ونبغى السعد
ماتت احاسيسنا وشعورنا ماحكن =على شفاه الامل عزاه مات الوعد
لاتنتظر..مر..غدر.. عيوننا لوبكن =حنون شر الصبر لاجتاح كلمة (بعد)
يعني بعد شئ باقي شئ منا لمن ؟=يستاهل الشئ هذا لاجلنا لو صمد
قله من الافضل انه لايتحدى الزمن =شهادته باطله حجه بليا سند
ياعيد في وجهي انه مايسم البدن =الا طعون الوتد في ظهر عم الوتد
ياعيد و( الجبن) ماهو خبرك اسمه (جبن)=اصبح طبق من طعام اهل السند والجلد
مادام هالكفر ظالم ويش ذنب الوثن=اليا اربطوا عابدينه في حبل ممسد ؟؟؟
يعني لاولعت شموعك يارقيق الوجن =ياشمعدان البسيطه كل مابك فسد
اقول يازين فضفض دار موش اللحن=عمار ولع ارم ثم طف ذات العمد
هقوة (طميه)خطا (عكاش) خاطر (قطن)=مامنهم الصادق اللي بالحقيقه شهد
هذي جمادات دون احساس صاحت لمن؟=وحنا جسد له مشاعر . ومشاعر بلاجسد
(ابك)انت ياللي تخض (السعن)فش السعن=ماغير انا وانت والقمرا ماعندك احد