السلام عليكم ورحمة الله وبركاته









للتواصل












واعذروني على الغيااب

النفـس بـحـرٍ والمصـايـب دوافـيـق = والروح تعطـي 00 والهـداوي شحيحـه
والفج يوسع 00 ثمٍ يضيـق 00 ويضيـق = وكـلٍ يحـاسـب ياجمـاعـه بظريـحـه
وانـا جـروحـي غـارسـه بالمعالـيـق = مثـل الـذي فتًـح بطـان 00 الذبيـحـه
اويـق مـن جـور الليالـي وانـا اويـق = اشـوف طعـنـات الـزمـان الجريـحـه
تحرقنـي الدمعـه علـى الخـد تحـريـق = وتلـح بـي لـحـة عـجـوزٍ لحيـحـه
والبارحه سهـران 00 مـع دلـه وبريـق = والذيـب يعـوي 00 والكـلاب النبيـحـه
ماغيـر اهيجـن فـوق جـزل الطواريـق = والنفـس ماهـي يـاعـرب مستريـحـه
نوبـات اغربهـا 000 ونوبـات تشريـق = ونوبات ادوس الشوك واقـول 00 شيحـه
ليلي 00 ودمعي 00 والبـلاوي مشافيـق = وسهري 00 وحزني 00 والهقاوي صحيحه
شعب الخليجي غير عن شعـب الاغريـق = وطبـع الـبـداوه راســخٍ بالصفيـحـه
وسنجار ثابت 00 ماتحـرك علـى طويـق = الله واكـبـر منـهـو يـقـدر يزيـحـه
ويابو خلـف خيًـك تراهـو مـع الضيـق = ياكـم تعثـر بـس ماطـاح 00 طيـحـه
حــدوه يالغـبـاش اهــل الغرانـيـق = واصبـح محـارب بيـن كـل الشريـحـه
وانـت تخبرنـي دون كــل المخالـيـق = من عافني عفتـه ولـو 00 هـب ريحـه
وانـا عمـر راسـي بعـال الشواهـيـق = ماطمنـوه اهـل 00 الوجيـه القبيـحـه
ماني من اللـي لفـق الهـرج 00 تلفيـق = دايم علومـي 000 بالمجالـس صريحـه
عينـي علـى الرديـان ماعمرهـا تفيـق = ماتـفـتـح الا للـوجـيـه الفلـيـحـه
مافـرق العـربـان غـيـر المطافـيـق = اهـل الـدوادي 000 والعلـوم الفضيحـه
والشعـر عـنـدي مايـجـي بالتلافـيـق = امـا يهـيـض الـجـرح والا القريـحـه

وسلامتكم






























عمر اللهيميد