|
السلام عليكم موضوع رائع وطرح مميز بالنسبة لغلا المهور ليس شرطا أيها الرجل ان تأخذ فتاة ليست من طبقتك كثير من الشباب يفتنون بعائله ولايريدون إلا هي وتكون عائله ذات جاه ومنصب فلذلك يضطر إلى دفع المهر غاليا صدقني أيها الشاب أي فتاة تعيش بترف تريد زوجا هكذا فلذلك أناس كثيرون أقل شيء 30 ألفا وعلى حسب عادات تلك العائله أي عائلتنا يتطلب 100 ألف مهر غير الهدايا للام والأب طبعا ام وأب الفتاة هذا مالدي |
اقتباس:
كلامك أختي وربي انه عين الصواب لاكن أختي عين المشكله .ليس من الزوج أو الزوجه . تجيدين أساس المشكله . هو اهل الزوجه او اهل الزوج... تجدينهم يتفاخرون بالزواج .. وبخصوص الفندق او القصر اللي يتكلف بجميع مستلزمات الزواج . اختي هي نفس المشكله .. لاكن مانقول ألى ألله يعين بس :: :: :: ((ملاحظه )) أليوم بعد الظهر سمعت برنامج في (mbc)يتكلم عن العنوسه. للمذيعه خديجه الوعل. تكلموا عن موضوع العنوسه .والله يوم قالة نسب العنوسه بالرياض وجده والشرقيه . اني مسكت راسي نسبه من جد تروع الوااحد .. لاكن وش نسوي المشكله وأساس المشكله كلهم ألاهل وخاصه كبار السن هذا مالدي انتهى النص |
اقتباس:
نغم العنوسة لها الكثير من الأسباب وغلاء المهور سبب من ضمن هذه الأسباب كذلك تأخر الشباب عن الزواج لا يمكن أن نضعه على غلاء المهور |
اقتباس:
نواف بالنسبة لمن يترك بناته سلعة يتاجر فيهم فهذي أتفق معك فيها وأسمحوا ليّ بأن اكتب عن قصة تعايشت معها عن قرب لإنها حصلت لوحده من صديقاتي البنت هذي مدرسه يعني عندها راتب .. أنخطبت وافقوا أهلها وطلبوا شروط تعجيزيه من العريس و ماقصّر جاب كل اللي يبغونه .. بعدها بدأت المماطله والتأخير من أم العروس !!! فما كان من العريس إلاّ أنه ترك بنتهم لهم وأنهى كل شي يربطهم فيهم جاهم يبغى ياخذ المهر اللي دفعه .. قال أبوها : أن البنت شرت فيه بعض الأغراض وأنها كانت تتجهز للزواج يعني صرفنا الفلوس .. تنازل الرجال عن نص المهر لهم المهم مرّت الأيام وأنخطبت البنت مرّه ثانيه .. وقسماً حصل معها نفس اللي حصل في خطبتها الأولى من المماطله والنصب على العريس وأخذ نص المهر !! في المرّه الثالثه شكل أمها خافت من النس يحرجونها لإنها جالس تتاجر في بنتها وافقت على زواجها بدون أي مماطله أو تأخير ولا حتى شروط على العريس بس تعرفون وش كان الثمن ؟؟ وإلاّ ليه الأم وافقت وتنازلت أن بنتها تتزوج ؟؟ لإنها طلبت من بنتها توقّع على ورقه عند البنك أنه الأم هي اللي تاخذ الراتب والبطاقه حقت البنك صارت مع الأم !!!! هذي بعض صور المتاجره من الأهل في بناتهم ويااااااااااكثرهم اللي عايشين نفس الوضع هذا |
http://aljori.jeeran.com/s1.gif جيتي عالوتر الحساس :) بالنسبه لي اشوف ان غلاء المهور مرتبط اساسا بغلاء الحياه بشكل عام.. اللي بريال صار ب 10 وقريبا صار ب 100 كل بنت تبي تحقق احلامها في ليله زواجها.. هي ليله بالعمر.. وتبيها دوم تكون باحلى صوره هذا اللي يخلي البنت تبحث عن كل شي (غالي) واللي يرجع في الاساس حق حب المظاهر قدام الناس لا اكثر..اخرتها الليله راح تنتهي بعد 3 ساعات بالكثير وكل هالتجهيزات تروح ادراج الرياح الفكره الاساسيه اللي براس اي بنت .. ليش فلانه خذت اكثر؟! انا ضد غلاء المهور لما يوصل لحد غير معقول لكن في نفس الوقت ضد انه ينزل لدرجه غير معقوله بعدين كل شخص من وجهو نظري يعرف امكانياته وقدراته ومستوى المعيشه اللي يقدر يوفره للبنت بالتالي ليش يتخطى هالمستوى ويحاول يجبر نفسه على وضع ما يطيقه! ويسلمو عالموضوع خيتو :) http://aljori.jeeran.com/s2.gif |
اقتباس:
وهج والله أنتي جبتيها شكل الشباب يبغون عروس جاهزه حتى مهرها معها هههههههههههههه لكن تعالي نسألهم عن : السفر .... إذا جوا يسافرون للخارج كيف يقدرون يجيبون فلوس للسفر مع أصحابهم ؟؟ مش يجمعون رواتبهم حقت السنه كلها ويسافرون فيها ولا يشتكون بأن السفر غالي ويحتاج مصاريف :p طيب ليه مايجمعون رواتبهم ويتزوجون فيها مو احسن لهم :D يسلمووو وهج على المشاركه |
اقتباس:
ملاذ شوف عزيزي مافيه شخص بين يوم وليله يقرر أنه يخطب ويتزوج على طول لالا الأمر هذا ياخذ وقت طويل في التفكير والترتيب يعني الواحد إذا نوى يتزوج لازم يخطط للشي هذا يبدأ في تجميع المبلغ المطلوب للمهر ولجميع الإلتزامات الثانيه وكل الأمور اللي انت ذكرتها تُعتبر من أساسيات الحياة الزوجية سواء مهر و بيت وأثاث وصالة الأفراح يعني بس لو ترتبون وضعكم يا شباب وتعرفون كيف تحافظون على رواتبكم صدقوني ماراح تلاقون أي مشاكل إذا فكرتوا بالزواج عارفه أن رأيي وكلامي ماراح يقنعك:rolleyes: هههههههههه لك الشكر |
اقتباس:
الحايره يابنت الحلال .. أذكري ربك من قالك انًا نبي بنت جاهزه وش قالو لك هي غرفة نوم ههههه>>يقول أشك ان الحايره مدرسه ليه مادري..!! المهم بخصووص ســؤالك .. اذا بتكلم عن نفسي. ولله الحمد سفر ماسافر ولا أحب السفر لاكن اروح للكويت لان أقرباي هناك بس.. اما بخصووص اروح سياحه لاوالله واانااخوك لاكن وانا اخوك ياليت انكم ماتقيسون السفر بالزواج لان لو تلااحظون السفر يكلف خمس ألى عشر ألاف بس ... أما الزوااج مزاانية دولة الصومال .. |
تبالغون بمسألة غلاء المهور بعض الشباب يقول ابي اتمتع بدري على الزواج وبعضهم له مواصفات صعبه وبعضهم يبي يتزوج ببلاش لو الأب ماطلب منك مهر طبيعي بتجهزعش الزوجية ومصاريف الحفلة حتى هذي شايفينها معجزه يعني تبي تجي لأي أب يقول لك استلم هذي بنتي وروح سكنها بخيمة ولامن شاف ولامن دري سبحان الله بأمركم خلوكم منطقيين لو أنت ياشاب ماتزوج اختك بها الطريقة وبعدين في نقطة مهمة ان البنت تصرف اكثرمن مهرها بتجهيزنفسها شوفوا الأسعار وين واصله وانتواتعرفون السبب غلاء المعيشه وصعوبة الحياة وليس غلاء المهور وطلبات الأهل بديهية أي بنت تبي تفرح وتشعرأن هذي ليلتها وكل عائلة لها إمكانياتها وحدودها التي من خلالها ستحدد كيف يكون هذا الزفاف الشباب اللي يحسبون تكاليف الزواج ماعمرجاببالهم يحسبون تكاليف السفر للخارج والسياحه ومايصرف للمتعة ووووو ولاتكاليف فاتورة الجوال اللي لوحدها تكفي لفتح بيت;) سبحان الله بأمرهم جت على الزواج يعني قبل أكثرمن عشرسنوات كانت المهورمبالغ بها جداولم يعزف الشباب عن الزواج لأن النية متجه له والآن المهرمايكفي نصف مستلزمات البنت وتقولون الأهالي يبالغون لاوبعدمستكثرين تكاليف الشقة والأثاث وتكاليف ليلةالعمر والله لوعزم أي شاب بيعرف يسهل أموره مابقى إلاتقولون أبوالبنت يسكنكم على حسابه ويتكفل بمصاريف العرس ياالله على الإتكالية والحجج الواهية أول أسباب العنوسه عدم تحمل الشباب لمسؤولية بيت وأسرة أنحرافهم وجريهم خلف المتعة المحرمة وصدقوني بوقتنا هذا وكل بيت لايخلوا من عدد من البنات أشوف الأباء الواحدمنهم يفرح إذا جاه شاب يستحق وجديربالزواج والطلبات أصبحت معقولة جدا ومسألة تكاليف الحفلة وليلة العمريحددها الزوجين حسب إمكانياتهم والشقة وبقية المصاريف ماأعتقد أن الشاب بيقول والد البنت يتكفل بها هذي من واجباته ويقدرعليها بحدود إمكانياته لوفعلا يبي يعف نفسه بالزواج دمتم بود وهــج |
اقتباس:
أستاذي بالنسبة للديون قال تعالى : ( لا يكلّف الله نفساً إلاّ وسعها ) فبالتأكيد من أراد الزواج سوف يبحث عمّن تتفهم ظروفه عمّن تتوافق معه في المستوى المعيشي .. قبل هذا وذاك فالشاب لن يستلم الوظيفة اليوم ويتزوج غداً أي أنه لا بد أن يكون قد وفّر وجمع شيء من راتبه يُغنيه عن الدين اقتباس:
لأكون صادقة معك الفتاة عندما تزيد من طلباتها لا يكون تفكيرها بأن ذلك سوف يزيد من قيمتها عند العريس بالعكس بل هي تحاول مجاراة هذا العصر ومتطلباته فلم يعد هناك شي قليل السعر ولعلمك أكثر البنات يقومون أهلهم بإعطائهم مبالغ مالية للزيادة على المهر حتى تستطيع الفتاة أن تحقق كل ماتتمناه في ليلة عمرها وسأذكر لك موقف أعجبني :) إحدى الفتيات لم تترك شيء لم تطلبه من العريس وأكثر التجهيزات التي قامت بها كانت تذهب لحجزها والترتيب لها بعد ذلك ترسل الفواتير للعريس >>>> هذا اللي ينفع معكم ههههههه كان رأيها ووجهة نظرها لهذا الأمر .. ( لا أتفق معها في رأيها ) بأنها تفعل ذلك حتى لا يفكر زوجها في المستقبل بأن يتزوج عليها كلما تذكّر هذه الطلبات التعجيزية سوف ينسى الزواج بالثانية وكلمات كان يقسم راتبه بين البيت وبين قروض البنك فلن يُفكّر بالزوجة الثانيه ( صحيح إن كيدهن لعظييييييييييييييييم :D ) أستاذي أسعدني تواجدك وكن على ثقة بأنني سوف احاول أن آخذ موضع الحياد لست مع أو ضد لكن بنات جنسي بحاجة لمناصرتي ومساندتي ههههههههه لك التحية |
| الساعة الآن 12:00 PM |
Powered by vBulletin® Copyright ©2000 - 2026
