ليتني ما قلت روحوا وخبّروها عن هواي=وليتني ما قلت بالله في (مساهر) حبّبوها
اااه لو عزّيت نفسي قبل ادور عن شقاي = يوم قالوا لي (فلانه) قلت بالله غيروها
كنت احسب انها تدوّر بالمحبة عن رضاي = واحسب انها هاويتني يوم اهلها خيّروها
يوم قالوا لي تبيك قلت هذا مبتغاي = علّموها كيف صارت وسط قلبي علّموها
وفهّموها شلون طبعي وكيف يفرق عن سواي = وحلّفوها ما تخليني لحالي حلّفوها
عقبها بيومين جاني علم كدّر لي سماي= قالوا احبابك تخلّوا عن عهودك واخلفوها
قلت ماهي الاوّله بالحب قد صارت معاي= ناس تعرف كيف تلعب بالمشاعر لاملكوها
وناس تعرف كيف تتبلّى عليّه من وراي= الله اعلم عن نواياهم اذاهم بيّتوها
والله اعلم كيف يتحقق ولو مرّه مناي = الاماني ماتحقق وان قدرتوا حقّقوها
والا انا باطلب من المولى يسدد لي خطاي= واللي قالت (كنت مجبوره) عشاني اعذروها
ادري انها جرّحتني لكن اتحمّل خطاي = خبّروها اني ابرحل وبفراقي بشّروها
قولوا (مســـاهر) توارى وابتعد ماهو بجاي = وخلّوا اللي كان برّا يدخل يقابل ابوها
وباركوا له بالنيابه عن لساني وعن شفاي= وباركوا للي هوتني ثم نستني وسامحوها
واااااه ياليت الليالي اعذلتني عن هواي= وليتني ما قلت بالله في (مســــاهر) حبّبوها