الاخ العزيزالشاعر الكبير محمد الاسمري
بيض الله وجهك على كلامك وردك الوافي
وانا لم اصل لهذه المرحلة التي وصفتني بها وانت قدها وقدود يالقرم
واستلم بيض الله وجهك

يالاسمري عندي علوم لك قديمات اجداد = تمشي مع الركبان والمعنى على سطح القمر
ياصاحبي نتبع مطيح السيل في وسط البلاد =وازاحم العربان والمعنى على سطح القمر

حي العلوم اللي تجينا من ضمير ومن فؤاد=اعجل بها يا فلان والمعنى على سطح القمر
واحذر مطيح السيل لا يرميك في عين السواد= أهل الفعول اتبان والمعنى على سطح القمر

ياسلام ياسلام
صح لساااااااااااااانك اخي العزيز
وبيض الله وجهك يالنشمي
وماعليك زود
واستلم طال عمرك

قالو لي ان الربع يدفن داخلة ذات العماد = في داخل النقيان والمعنى على سطح القمر
ياصاحبي حنا طمعنا فالمطية والشداد = غصب على العدوان والمعنى على سطح القمر

انته تناظر للبعيد ومنت سبقا الجياد=لا تزعل الفرسان والمعنى على سطح القمر
مطمعك ذا الليلة صعب وانته على قبرك تقاد= ياشاعر البدوان والمعنى على سطح القمر

الي يبي صيد العرب ياراعي الطالة يصاد = ترا السان احصان والمعنى على سطح القمر
ياكبرها ياعبرها دنيا العجايب والجهاد = صار الولد فسقان والمعنى على سطح القمر

راعي البساتين ابتلش والوقت زل ابلا حصاد=يا طالب الغفران والمعنى على سطح القمر
لو نلتفت لك يالعريني ضعت في وسط المزاد= لا تبخص الميزان والمعنى على سطح القمر

يالاسمري حنا نعرف الحر ونعرف البراد = لاثور الدخان والمعنى على سطح القمر
بالك تهقوا فالجبال الثابته خل العناد = مير ادحر الشيطان والمعنى على سطح القمر

انت تعرف ولا تعرف وخذ كلامي بأعتماد= للبندقة نيشان والمعنى على سطح القمر

أسمع اسمع

انته مع أهل المعرفة ولا مع الهانم وداد=جاوب بلا نقصان والمعنى على سطح القمر