|
|
الله اكبر ياحمام من صلاة العصر ناح وانشغل قلبي معاه لاجزاه الله بخير الله اكبر يوم ناض طار ورفرف بالجناح ودي اتبع ساقة الراعبي وازريت اطيـر ودي اتبع ساقته بالمقيل وبالمراح شوف عيني بين هاك المباني يستديـر واهنيك بالمسا ياحمام وبالصباح كل يوم تشاهد الترف ملهوف الضميـر ياحمام الورق قل للغضي سيد الملاح عن ذهابي قل لزين الوصايـف يستخير وصف خده بارق الوسم من منشاه لاح يوم شعشع زاد نور البلد عقب الاخيـر والعيون عيون خشفاً تربى بالبياح كل ما هبت نسيـم الهبايب يستذير يامريح القلب قلب المولع مـاتستراح تقل يجذب للهوى في سلوك مـن حريـر اتضيم واتهضم وانا مالي صلاح واتقلب طول ليلي مثل وصف الكسير ياهلي لولا الهوى كان اطنب بالصياح عقب فرقا الترف مادري وش الدنيا تصير كن بعيونه لراع الهوى زرق الرماح هو خطر واللي تولع معه قلبه خطيـر |
أبي ابكي من الضيقة وابعزف للهمـوم ألحـان أبي اطلق مواويل الحـزن واطـرح دواوينـي أبي أشكي أبي احكي ابوصف للبشـر حرمـان أبيهم كلهـم يـدرون أبيهـم يشعـروا فينـي أبي لا من طرى اسمي بكى من لوعتي شيبـان أبي لامن طرى"عاشق" ذكر من كـان يغلينـي أبيهم يذكرون أنـي بدمعـي صرتنـا غرقـان أبيهـم يعرفـون الهـم هوّاللـي يخاويـنـي أبي أصرخ وأبلغهم وأقول أن الفـرح خـوّان يجي مرة معاي و هو بطـول العمـر ناسينـي أبي اترك لهم قصة وأخيّرهـم علـى العنـوان يسمّوا "حزن "يحطوا "دمع"أنا ما عـاد يعنينـي أبي لامن وصل صوتي يحس بضيقتي إنسـان أبي لامن نزف جرحي لقيـت اللـي يداوينـي أبي شخص يجي يمـي و يقفـل للعنـا بيبـان أبيه يكون لي خـلٍ علـى حزنـي يواسينـي أبيه لمركبي مرسى وأبيـه لغربتـي أوطـان أبي لامن ذرفـت الدمـع لينـه لـي يعزّينـي أنا ما أبيه يصبح ضلع أبيه يكون لـي ضلعـان أبي لا من مشيت وطحت حط يديه في يدينـي إلامن خانني التعبير أبيـه يكـون لـي لسـان أبي لامن سكتْ ألقاه .يفهم مـن نظـر عينـي أبي لا من تعبت وضقت لمّ الروح بالأحضـان أبيه يكون لـي كتـاب إذا ضاعـت عناوينـي أبي أعشق وأبي أغـرم وببنـي للهوى بنيـان أبيه يكون مبنى ضخم ويسكـن فيـه مغلينـي أبي واحد ويسكن بي وابطرد لأجلـه السكّـان أبي يسكن وسط قلبـي وعمـره مـا يخلينـي أبي أشعل شموع الحب وبأعطي من الغلا بستان أبـي أهديـه باقـة ورد ..مسقيهـا شرايينـي \ \ |
خذ قلبي اللي بالمودة صفا لك دام القصايد كلها ما تكفّيك واللي تبيه إن كان عندي حلالك ما هو كثيرٍ لا غدا بين أياديك يا من جمعت الود كله لحالك بأقصى خفوقٍ يفتخر بك ويغلي أهديت قلبي فرحته في وصالك واليوم أنا ما نيب داري وش اهديلك دام العطا معناه ساكن خيالك ما أقدر أفسّر في خيالك معانيك |
.. لا يغرك كثير الصمت .. لايغرك كثير الصمت .. وسكاتي خل المشاعر تقول ؛!؛ آآآه ؛!؛ وإسألهـا يا متعب القلب قلي ويـش غلطاتـي ان كنت انا اقدر اعدلهـا .. بعدلهـا لاصرت تجهل عناء الدنيا .. وضيقاتي من دون ماشرح لك اوضاعي تأملها الوقت ضدي .. حرمني من ملذاتـي والصد بعدك ذبح روحي .. وكملهـا لا .. لايغرك كثير الصمت .. وسكاتي خل المشاعر تقول ( الآآآآه ) وإسألهـا يسكني الحب .. واضح من عباراتـي وش عاد لجلك حروفي لـو أدللها عذبني الشوق واسرفـت بخيالاتـي روح ٍ تحبك دخيلك ليش .. تهملها ياليتك إشوي تشعـر فـي معاناتـي دنياك يمكن عليك تضيـق باكملهـا الحزن كنه سفيـري فـي علاقاتـي والهم خيّم على حالـي .. وطولهـا اغديت دربي وتاهت فيـك خطواتـي كل المواعيد مدري ليـش تجهلهـا سنين احاول وضاعت كـل حيلاتـي ماتدري اني ( حيـاة الـذّل ) مقبلهـا لاجيتك أسال وادوّر فيـك ضحكاتـي كنك تعمد بيديـك اليـوم .. تقتلهـا لا تترك الظـن يلعـب باحتمالاتـي الكلمه اللي تحزّ بخاطـرك .. قلهـا تعال شفني وحـس بحـال لوعاتـي كن الدقايق بدونـك عـام مطولهـا متى التباشير بقدوم ( الغـلا ) تاتـي فرحة زماني بشوفـك مـا تخيلهـا خلاص صبري تعـدى كـل هقواتـي اتعبت نفسي ( اعزيهـا .. وعللها ) ابيك تنسى وتدمـح كـل ( زلاتـي) بعض البشر صعب مانقـدر نزعلهـا والحين جيتك ابمسح كـل غلطاتـي دنياي دونـك وربـي ماتحملهـا |
غــــــــصــــــــن ايـــــــضـــــــــاح وشلون يستر ظل الأشجـار سـورك ؟ لا صرت تزرع في ثرى صمتـه الريـح بيـن انكسـارك / ارتباكـك/ نفـورك ما عاد يروي ( غصن الإيضاح) تلميـح ولا عاد يكشف ( عتمة البوح) شـورك لو كان فإنصاتـي ( عيـون ومصابيـح) يا صاحبي وإن بعثـروا لـك شعـورك لا يخذلـك شبـاك الأحـلام وتطيـح كم كنت أرتب في غيابـك حضـورك وكم كنت أسولف فتنتـك للمراجيـح اللـي خسرنـي غفلـة ٍ مـن غـرورك واللـي نفانـي لعـزة البعـد تجـريـح واللي خذلني فـ(صمت الإنصاف) جورك لا صك فـي وجـه الحديـث المفاتيـح يا ريح وإن عم الشتـات فحضـورك من نزوتك وش ذنب الأشجار ياريـح ؟ للشـاعر:حمد عايد :rose::rose::rose: |
على كف القدر نمشي ولا ندري عن المكتوب عبارة كنت أرددها صدق من صاغ معناها مشينا دون لا ندري وشربـنا من بـلاهـا كـوب وهـذي حال الـدنـيـا رمـتـنـا مـا رمـيـنـاهـا تضحكنا تبكـيـنـا تـمـشـيـنـا على المـطـلوب على كف القـدر نـمـشـي دروب ما رميناها من الكاسب من الخاسر من الفايز من المغلوب مع الأيام تـحـصـدنـا وحـنـا ما ح صـدنـاهـا وأنا واحد من الآلاف أعيش بعالمي مرعوب أحس الأرض مهزوزة من أدناها لا أقصاها نظرت الناس من حولي وكم بالناس هو منكوب حوادث هزه الوجـدان أجـل بالعـيـن شفناها ألا يا عـمـري الفاني ألا يا حـقـي الـمـسـلـوب متى عـيـنـي بليل الياس لـذيـذ النوم يهـنـاها متى يحـالفـنـي الحظ ويصحح وضعـي المـقـلـوب يعـدل قسـوة الأيام وغلطة ما ارتـكـبـنـاهـا :0::0::0::0: |
آخـر رسالـة ودي تكتـب يمينـي قبل الرحيل المر قبـل الحسايـف ارجوك ياعذب اللمـى سامحينـي ما دام انا من سيرة الحب خايـف ناديت من قلبي عسـى تسمعينـي لاتحسبيني يـوم صديـت عايـف صوتك يسبـب مشكلـه صدقينـي حتى ولو بين القلـوب الولايـف اقولهـا مـن جـد بينـك وبينـي ياهو مصيبه همس ذيك الشفايـف لو تنطقي حرفين تسحـر فطينـي وش لون عاد اهل العقول الخفايف حسنك سلب عقلي وبيـح كنينـي ماعدت غيرك ياريش العين شايف الزين لفك مـن شمـال ويمينـي قليل في حقك حسيـن الوصايـف مافيك عيب وكل مابـك حسينـي فيك الحلا والحسن طاغي وكايـف طلبت ربـي فـي فراقـك يعينـي ماعاد بي حيـلٍ يطيـق الكلايـف وان كان جيتك جنبـي واتركينـي لاني اعرف القلب يمـك مهايـف لاتذكريـن الحـب لاترحميـنـي خلينـي اصبـر تاليتهـا خفايـف حتى بمنامـي حاولـي ماتجينـي ردي طيوفـك لاتجينـي ردايـف واذا صحيت انسى عناي وحنينـي واحاول انسى حب ناب الردايـف حتى ولو جـوي تعكـر ..يزينـي واعيش جوٍ مثل جـو المصايـف هـذا قـراري راضـيٍ مايجينـي من عقب عديت الطوال النوايـف شم الجبال اللي حجاهـا حصينـي عديتهـا وهمـوم قلبـي لفايـف في مرقبي راجعت ماضي سنينـي واخذت عبره من ليـالٍ طوايـف درب الهوى يابنت مالـه ضمينـي ياكثر مابه مـن علـوم وطرايـف في سيرة العشـاق سـرٍ دفينـي وهمومهم باقصى الضلوع النحايف نهارهـم مابيـن شـوق ونينـي وليلاتهم مابيـن ساهـر وحايـف حال الهواوي مثل حال السجينـي دايم على خـده دموعـه ذرايـف ابيـك والله وادري انـك تبينـي بس اجزمي خلاص ماني برايـف بودعـك يافاتـنـي واذكريـنـي اذا قريتـي هاجسـي بالصحايـف ارجوك يابنت الحـلال اعذرينـي وانسي مع الايـام ماكـان طايـف يكفـي دلــع بالله لاتحرجيـنـي قلت الك انا من سيرة الحب خايف. للمبدع / عبدالله المرشدي http://www.yrfzl.com/upimg/allimg/080416/1917417.gif . |
عزيل يازين التعازيـل عزيـل
من سله السلال محـدٍ فطـن لـه وعين تهل الدمع مثـل الهماليـل عـجـلٍ تهـلـه ذرافٍ ماتمـلـه مني عليكم ياهـل الـدار تهليـل عن عين مشفوحٍ ٍ بكـم مشفحلـه عنودكـم تذبـح بنجـل ٍ قواتيـل وزلف ٍ تهلل له زهـا مفـرق لـه ينسف عثاكيل ٍ كما سبّـق الريـل يغري الى تلنه علـى مفـرعٍ لـه وزمة نهود ٍ مثل وصف الفناجيـل فـي لبـةٍ لـه توهـا مستقـلـه وبدر البها غرب لها في دجى الليل وشمس الضحى تنماز عن غرّة ٍ له وتغري بزغروت الهوى والهلاهيل ويمشن له كرهن ويقفن رضى له وإلى قعد مع راجسـات الخلاخيـل فالزيـن لـه كلـه لحـاف ٍ وكلـه ونطق ٍ تسلسل منه سحـرٍ أبابيـل وملحٍ يتله مـن عجاريـف دلـه يسلي الخليل بغنج دعـج ٍ مغازيـل يرمش ويغـزِل لـه ومـره يتلـه أواااه لوهي بالصـور والتماثيـل لا خذ تماثيله معـي وامتثـل لـه أحيا بهرجه لي وحسـن التعاليـل واتلف بهجرانه وانا مصخـرٍ لـه وش عندكم في طلب مثلي إلى قيل من هو طريحٍ له عسـى ماتشلـه إن مـت ياطلابـة الثـار تحليـل أنتم وأنـا ياعزوتـي فـدوة ٍ لـه سالوا غريرٍ بالهوى مابعـد سيـل قولوا على أية مذهـبٍ يستحلـه ؟ قالوا نراك موجّل ٍ , قلـت ماقيـل قالوا عليل ٍ , وقلـت مافيـه علـه قالوا علامك تالف ٍ , قلـت بهليـل من صارم ٍ من بين عينيـه سلـه لو إن جرحي من عْـداة ٍ مقابيـل ماحـل فـي قلبـي هيـام ٍ يتـلـه لكن جرحي بالخفا مـن معاسيـل طفل ٍ سطا وانهل صوابـي وعلـه لا ياطبيبـي دلــك الله تدلـيـل داي الخفي ودواي من مبسم ٍ لـه لكن مابيدي ولا فـي يـدك حيـل ذا شِنْ كِتب للعبد ماهو هوى لـه ياسيدي زرني تراني مـن الويـل وجل ٍ ولي باقصى حشاي الف عله قلبي عزب سرحه بليـا محاصيـل منكم وانا لي عندكـم مرتـع ٍ لـه قالوا وصال الشوق هيل ٍ بلا كيـل ويَدْهونِنِي به ليت من يتصـل لـه وأنا ومن نـزل تبـارك وتنزيـل ماشفت منـه إلا العنـا والمذلـه شوقي بخيل وسايله مابعـد نيـل إالا الهفا معه الجفـا مـردفٍ لـه نظيف عرضٍ عن هل القول والقيل وله البرا مـن واهـيٍ مستحلـه ياما عنوا له ملحفيـن المراسيـل مني وغيري قوم " رح له وقل له " وردت طوارشهم هبايـا مفاشيـل ماحصلوا غير التعب كاسب ٍ لـه ! محمد القاضي |
.
. للرائع سالم صليم :
تَبي تشوف البؤْس يمشي على اقدام=شف لك فقيرٍ رغْـم فقـره يكابـر الجَيب خالي بسّ مظهـر وهنـدام=ما هوب لا جازع وَلا هوب صابـر في داخلـه آلام واحـلام واوهـام=وفي رحلتـه تنسـدّ كـلّ المعابـر يرجع ورا .. والناس تمشي لقـدّام=حتى لو انّـه فـي حياتـه مثابـر إنْ قام قَومة ضعْف وانْ طاح ما قام=كنّه مـعَ الحيِّيـن مقطـوع دابـر ما عنده الا الضحْـك وَلاّ التبسّـام=ويحْفظ شِعار ( انّ الأوادم مخابر ) وهُو لا طاب يُضام وانْ زلّ ينضـام=وبإسمه يُشهّر في جميـع المنابـر ما يسمع الاّ هرْج شامـت ولـوّام=ونقْد اللئيم اللي مـن اللـؤْم كابـر طير السعَد فوقه من سنين ما حـام=وانْ مَرّ به في يوم مـرور عابـر وإذا لقا ما يُشْبعـه خمسـة ايـام=يشوف نفسه وارث الشيـخ جابـر ومن نخْوته يروح ما حاشه اقسـام=يعطي مـا كنّـه للمقابيـل سابـر مستقبله مجهول واحزانـه اكـوام=وكلْ ما كبر همّـه يـزور المقابـر ويرجع بعزّة نفس واصرار واقـدام=تكسيه من هَيبـة عْيـال الأكابـر أكثر رموز البؤْس وافيـن وكْـرام=ومنْهم فقيـرٍ رغْـم فقـره يكابـر |
| الساعة الآن 01:49 AM |
Powered by vBulletin® Copyright ©2000 - 2026
